विश्वास

शरदको पहिलो शीत बनेर 

मेरो हृदयमा तिमी खसेपछि

प्रेमको पहिलो आभाष गरेको हुँ

तिम्रा निर्दोष चञ्चल आँखाहरु 

तिम्रा कामुक निला ओठहरु 

मसिना अौँलाका कापमा 

नाचिरहेका कलमले 

ओकलेका प्रेमिल पत्रहरु

अनि

कहिल्यै नटुट्ने हृदयका कसमहरु

जानि नजानि छोइएका

चिमोटिएका अविस्मरणीय किस्साहरु

कसरी कसरी अाज 

तिम्रा स्मरणहरुबाट हराए

र पनि 

मलाई विश्वास छैन यो अविश्वास प्रति

र विश्वास गर्छु 

तिमी मेरै हृदयको अन्तरमा कतै

फुलिरहेछौ

फक्रिरहेछौ

र मगमगाइरहेछौ यत्रतत्र !!