ऊ हर सपनीमा आउँछ
र मेरो काख
सिरानी हालेर निदाउँछ
उसैगरी देख्छ
मिठा मिठा सपना
जसरी हामी योजनाहरु बनाउँथ्यौ
हजुर अामाको लागि
उसको जस्तै आँखा भएको भुन्टे
हजुरबुवाका लागि
मेरो जस्तै ओठ भएकी भुन्टी
अनि
अलिकति लाज
अलिकति डर
मिसिएर
लाल भएका गालामा
उसले खाएको म्वाईँ
सबै सबै आउँछन्
मेरा सपनाहरुमा
उसका सपनाहरु
मिसिएर
म अवाक भएर बिउँझन्छु
र सुम्सुमाउँछु रित्तो सिरानी
र रित्तो हृदयको कंक्रिड भित्तो ।।
No comments:
Post a Comment