मेरो हृदयमा तिमी खसेपछि
प्रेमको पहिलो आभाष गरेको हुँ
तिम्रा निर्दोष चञ्चल आँखाहरु
तिम्रा कामुक निला ओठहरु
मसिना अौँलाका कापमा
नाचिरहेका कलमले
ओकलेका प्रेमिल पत्रहरु
अनि
कहिल्यै नटुट्ने हृदयका कसमहरु
जानि नजानि छोइएका
चिमोटिएका अविस्मरणीय किस्साहरु
कसरी कसरी अाज
तिम्रा स्मरणहरुबाट हराए
र पनि
मलाई विश्वास छैन यो अविश्वास प्रति
र विश्वास गर्छु
तिमी मेरै हृदयको अन्तरमा कतै
फुलिरहेछौ
फक्रिरहेछौ
र मगमगाइरहेछौ यत्रतत्र !!
एक साधारण व्यक्ति , जसको जिवनमा असाधारण घटनाहरु घटेका छन् र ती घटनाहरुलाई जिवन्तता दिने एक दुष्प्रयास गरिरहेको छु ।
एक साधारण व्यक्ति , जसको जिवनमा असाधारण घटनाहरु घटेका छन् र ती घटनाहरुलाई जिवन्तता दिने एक दुष्प्रयास गरिरहेको छु ।
र मेरो काख
सिरानी हालेर निदाउँछ
उसैगरी देख्छ
मिठा मिठा सपना
जसरी हामी योजनाहरु बनाउँथ्यौ
हजुर अामाको लागि
उसको जस्तै आँखा भएको भुन्टे
हजुरबुवाका लागि
मेरो जस्तै ओठ भएकी भुन्टी
अनि
अलिकति लाज
अलिकति डर
मिसिएर
लाल भएका गालामा
उसले खाएको म्वाईँ
सबै सबै आउँछन्
मेरा सपनाहरुमा
उसका सपनाहरु
मिसिएर
म अवाक भएर बिउँझन्छु
र सुम्सुमाउँछु रित्तो सिरानी
र रित्तो हृदयको कंक्रिड भित्तो ।।
एक साधारण व्यक्ति , जसको जिवनमा असाधारण घटनाहरु घटेका छन् र ती घटनाहरुलाई जिवन्तता दिने एक दुष्प्रयास गरिरहेको छु ।
कलियुगकी राधा हुँ किन्तु परन्तु द्वापर युगमै इति: भइसकेको कृष्णको निश्चल प्रेम भेटिनँ अपितु दुसाशनका बिजहरु यत्रतत्र सल्बलाइरहेछन् क...
